ယခင်အစိ်ုးရ လက်ထက်ကပင် လမ်းခင်းကျောက် ထုတ်လုပ်ဖို့ မြန်မာ့ရင်းနှီးမြှုပ်နှံမှု ကော်မရှင်က ခွင့်ပြုထားတဲ့ ကျောက်မိုင်းလုပ်ငန်း အများအပြားဟာ မွန်ပြည်နယ် ပေါင်မြို့နယ်ထဲက ကုလားမတောင်မှာ အခြေစိုက် လုပ်ပ်ကိုင်နေပါတယ်။ ထိုတောင်ရှိ သစ်တောကြိုးဝိုင်းအတွင်း လုပ်ကိုင်နေတဲ့ Long Life Aggragate Mining ကုမ္ပဏီဟာလည်း ကျေးရွာ ရွာသားများ၏ ကန့်ကွက်ခြင်းကို ခံနေရသလို အလားတူ မွန်ပြည်နယ်အတွင်းရှိ အခြားကျောက်မိုင်းများမှာလည် ဒေသခံများ၏ ကန့်ကွက်မှုကို ရင်ဆိုင်နေရပါတယ်။
၁။ ၂၀၁၄-၂၀၁၅ ဘဏ္ဍာနှစ်တွင် ကုလားမတောင် သစ်တောကြိုးဝိုင်းအတွင်း လမ်းခင်းကျောက် ကုမ္ပဏီတွေက ကျောက်ကျင်းရေ ၃၉၅၀ဝ ကျင်းကို ထုတ်လုပ်ခဲ့တယ်လို့ မွန်ပြည်နယ် သစ်တောဦးစီးဌာနစာရင်းမှာ ဖော်ပြထားပါတယ်။
၂။ ဥတ္တံတားကျေးရွာနှင့် တစ်မိုင်ခွဲဝန်းကျင် ကွာဝေးတဲ့ ကုလားမတောင်မှာ ၂၀၁၃-၂၀၁၄ ဘဏ္ဍာနှစ်ကစတင်၍ မြေဧက ၂၂၅ ကို ကျောက်တူးဖော်ခြင်း လုပ်ငန်းအတွက် Long Life Aggragate Mining ကုမ္ပဏီက ရရှိခဲ့ပါတယ်။
၃။ လယ်ယာမြေ ဧက ၂၀ဝ ကျော်နှင့် ဥယျာဉ်ခြံမြေများမှာ ကျောက်မိုင်းခွဲမှုဒဏ်ကြောင့် ပျက်စီးဆုံးရှုံးမှုများရှိပြီး သဘာဝပတ်ဝန်းကျင် သစ်တောများ ထိခိုက်တယ်လို့လည်း ဥတ္တံတားကျေးရွာ ဒေသခံများက ဆိုပါတယ်။
၄။ လက်ရှိအချိန်တွင် ကုမ္ပဏီဘက်က သစ်ပင်များ ပြန်လည်စိုက်ပျိုးပေးသည်မှာ ငါးဧကခန့်ရှိပြီး ချောင်းတွေမှာ ကျောက်မှုန့်များတားဆီးဖို့ ထုံးတားတမံတွေ ထားရှိပေးထားကြောင်း ကုမ္ပဏီတာဝန်ရှိသူများက ပြောပါတယ်။
၅။ သစ်တောကြိုးဝိုင်းအတွင်း ကျောက်ထုတ်လုပ်မှုလုပ်ငန်း လုပ်ကိုင်လိုလျှင် သစ်တောဦးစီးဌာနသို့ တိုက်ရိုက် လျှောက်ထားရပြီး ပြည်နယ်အစိုးရ၏ သဘောထားရယူကာ ခွင့်ပြုမိန့်ထုတ်ပေးရကြောင်း မော်လမြိုင်-သထုံ ခရိုင်သစ်တောဦးစီးဌာနထံမှ သိရပါတယ်။
