Advertisements

ထားဝယ်၊ ဇွန်

တနင်္သာရီတိုင်းဒေသကြီးအတွင်းသို့နိုင်ငံခြားခရီးသည်ဝင်ရောက်မှုမှာ ၃ နှစ်ဆက်တိုက်ပုံဂံရှေးဟောင်းယဉ်ကျေးမှုနယ်မြေကိုကျော်တက်သွားကြောင်း တနင်္သာရီတိုင်းဒေသကြီးအစိုးရအဖွဲ့၊သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးဦးလှထွေးကပြောကြားသည်။

“နိုင်ငံခြားခရီးသွားဝင်ရောက်မှုက အခု ပုဂံကို ကျော်နေပြီ“ဟု ဦးလှထွေးက ဆိုသည်။

တနင်္သာရီတိတိုင်းအတွင်း ၂၀၁၈ ခုနှစ်တွင် ခရီးသည်ဝင်ရောက်မှုမှာ ၃၅၀၀၀၀ ဦးကျော်ရှိပြီး နှစ်စဉ်ခရီးသည် ဝင်ရောက်မှုမှာ ပုံမှန်မြှင့်တက်နေကြောင်းတနင်္သာရီတိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန၊ညွှန်ကြားရေးမှူးဦးညိုအေးက ပြောသည်။

ပုဂံဒေသသို့ နိုင်ငံခြားခရီးသည် ၂၀၁၆ ခုနှစ်တွင်၂၈၀၀၀၀ ကျော်၊ ၂၀၁၇ ခုနှစ်တွင်၃ သိန်းကျော်၊ ၂၀၁၈ ခုနှစ်တွင်၂ သိန်းခွဲကျော်ဝင်ရောက်ခဲ့ပြီး တနင်္သာရီတိုင်းဒေသကြီးသို့နိုင်ငံခြားခရီးသည် ဝင်ရောက်မှုမှာ၂၀၁၆ ခုနှစ်တွင် ၃၃၀၀၀၀ကျော်၊ ၂၀၁၇ ခုနှစ်တွင် ၃၄၀၀၀၀ကျော်၊ ၂၀၁၈ ခုနှစ်တွင် ၃၅၀၀၀၀ကျော်ရှိခဲ့သည်ဟု တနင်္သာရီတိုင်းဒေသကြီးဟိုတယ်နှင့် ခရီးသွားညွန်ကြားမှု ဦးစီးဌာနထံမှ သိရသည်။

ရခိုင်ပြည်နယ် အတွင်း ပဋိပက္ခကြောင့် မြန်မာနိုင်ငံ၏ခရီးသွားလုပ်ငန်း ကျဆင်းချိန်ကပင် တနင်္သာရီတိုင်း ဒေသကြီးခရီးသွားလုပ်ငန်းမှာ ကျဆင်းခဲ့ခြင်း မရှိပေ။

“ခရီးသွား ကျဆင်းချိန် ၂၀၁၆၊ ၂၀၁၇ ခုနှစ်မှာ တောင်ကျမသွားဘူး၊ ကျွန်တော်တို့ဒေသ ပုံမှန် data အမြဲတမ်း  ဦးမော့နေတယ်” ဟု တနင်္သာရီတိုင်းဒေသကြီး ဟိုတယ်နှင့်ခရီးသွားညွှန်ကြားမှုဦးစီးဌာန မှ ဦးညိုအေးက ဆိုသည်။

တိုင်းအတွင်း ခရိုင် ၃ ခုရှိသည့်အနက်ကော့သောင်းခရိုင်မှာ   နိုင်ငံခြားသား ခရီးသည်ဝင်ရောက်မှု အများဆုံး ဖြစ်ပြီး တိုင်းအတွင်း စိတ်ဝင်စားစရာကောင်းသည့်  ကျွန်းများတွင် စနစ်တကျ ခရီးသွားလုပ်ငန်း လုပ်နိုင်အောင်အတွက် ပြင်ဆင်မည်ဟု သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးဦးလှထွေးက ပြောသည်။

ခရိုင်အလိုက် ခရီးသွားကော်မတီကို ဖွဲ့စည်းထားပြီး ခရီးသွားများအဆင်ပြေမွေ့စေရေးအတွက် အဆိုပါကော်မတီများက လုပ်ဆောင်သွားမည်ဟု၎င်းက ထပ်လောင်းပြောကြားသည်။

မြန်မာနိုင်ငံတွင် ရန်ကုန်၊မန ္တလေး၊  ပုဂံနှင့်  အင်းလေးတို့မှာခရီးသွားဝင်ရောက်မှုအများဆုံးနေရာများဖြစ်သည်ဟုတိုင်းဒေသကြီး ဟိုတယ်နှင့် ခရီးသွားညွှန်ကြားမှုဦးစီးဌာနထံမှ  သိရသည်။

တင့်လွင်

Advertisements
<

Leave a Reply