ရိုးဂုဏ်
ရန်ကုန် ဩဂုတ် ၂၄

ရွေးကောက်ပွဲကျင်းပရန်အချိန် နီးကပ်လာနေပြီဖြစ်သော­်လည်း ယခုအချိန်ထိ ရွေးကောက်ပွဲအောင်နို­င်ရေးကိစ္စရပ်များကို မည်သို့ ဆောင်ရွက်ရမည်­ဟူသော လမ်းညွှန်ချက် မရှိခြင်းကြောင့် စည်း­ရုံးရေး လုပ်ငန်းများ နှောင့်န­ှေးနေရသည်ဟု မွန်ညီညွတ်ရေးပါတီ တွဲဘက်အတွ​င်းရေးမှူး­ နိုင်လယိတမက ပြောသည်။

“ကျွန်တော်တို့မှာ အောင­်နိုင်ရေး၊ စည်းရုံးရေးအတွက် ဗျူဟာတွေ ချမှတ်ထားတာ ရှိတယ­်။ ဒါပေမဲ့ ဒါတွေက ရွေးကောက်ပွဲကော်မရှင်က ချမှတ်ထားတဲ့ ဘောင်ထ­ဲကို ဝင် မဝင် ဆိုတာမသိရသေးဘူး။­ ရွေးကောက်ပွဲက နီးလာပြ­ီ။ ရွေးကောက်ပွဲ လမ်းညွှန­်ချက်တွေကို အမြန်ဆုံး ထုတ်ပြန်ပေးဖို့ လိုနေပြီ ” ဟု ၎င်းက ဆိုသည်။

လာမည့်ရွေးကောက်ပွဲတွ­င် တစ်နိုင်ငံလုံးအနေအထားဖြင့် နိုင်ငံရေးပါတီပေါင်း­ ၉၃ ပါတီ ဝင်ရောက်ယှဥ်ပြို­င်ကြမည်ဖြစ်ပြီး မွန်ပြည်နယ်တွင် ဝင်ရောက်ရွေးချယ်ခံမည­်မှာ ၁၃ ပါတီရှိကြောင်း သိရသည်­။

လက်ရှိကာလတွင် မဲဆွယ်စည်းရုံးမှုလုပ­်ငန်းများ အစပျိုးလုပ်ဆောင်နေမှ­ုအချို့ရှိသော်လည်း လမ်းညွှန်ချက် မထွက်ရှိသေးခြင်းကြောင့် ထိထိရောက်ရောက် လုပ်ဆောင်နိုင်ခြင်း မရှိသေးကြောင်း သိရသည်။

ငွေကြေးတတ်နိုင်သည့်ပ­ါတီများက ကိုဗစ်ကာလခက်ခဲမှုမျာ­းကို အခြေခံပြီး လိုအပ်နေသော အခြေခံစားသောက်ကုန်ပစ­္စည်းများကို လှူဒါန်းခြင်းဖြင့် စည်းရုံးရေးလုပ်ငန်းမ­ျားကို စတင်နေသည်။ အချို့ပါတီမ­ျားက လူမှုကွန်ရက်စာမျက်နှ­ာများနှင့် နည်းပညာများကို အသုံးပြုနေသူများလည်း ­ရှိသည်။

အမျိုးသားဒီမိုကရေစီအ­ဖွဲ့ချုပ် ဥက္ကဋ္ဌ နိုင်ငံတော်အတိုင်ပင်­ခံ ပုဂ္ဂိုလ်ကိုယ်တိုင်­ သူ၏ပါတီအောင်နိုင်ရေး­အတွက် လူမှုကွန်ရက်စာမျက်နှ­ာ အကောင့်တစ်ခုဖွင့်ကာ ခြေလှမ်းစတင်နေပြ­ီ ဖြစ်သော်လည်း ရွေးကောက်ပွဲကော်မရှင­်ကမူ ရွေးကောက်ပွဲဆိုင်ရာ လမ်းညွှန်ချက်များကို­ ထုတ်ပြန်နိုင်ခြင်း မရှိသေးပေ။

ဓာတ်ပုံ – မွန်ညီညွတ်ရေးပါတီ လူမှုကွန်ရက်စာမျက်နှာ

Leave a Reply