Advertisements

မော်လမြိုင်၊ ဇွန် ၈

ကြာအင်ဆိတ်ကြီးမြို့နယ်၊ မျှင်းဝါကုန်းကျေးရွာနေ တက္ကသိုလ်ဝင်တန်း အောင်စာရင်းမထွက်မီ ဓားဖြင့်အခုတ်ခံခဲ့ရသည့် ကျောင်းသူမှာ ဇွန်လ ၈ ရက်နေ့က ထုတ်ပြန်သော တက္ကသိုလ်ဝင်တန်းစာမေးပွဲကို အောင်မြင်ခဲ့ကြောင်း သိရသည်။

အဆိုပါကျောင်းသူ မိမလေထောသည် ခုံအမှတ် လအ ၄၃၀ ဖြင့် ကရင်ပြည်နယ်၊ ကြာအင်ဆိတ်ကြီးမြို့နယ် စာစစ်ဋ္ဌာနတွင် ဝင်ရောက်ဖြေဆိုခဲ့သူတစ်ဦးဖြစ်သည်။

အသက် ၁၈ နှစ်အရွယ် မိမလေထောသည် တက္ကသိုလ်ဝင်စာမေးပွဲ အောင်စရင်းမထွက်မီ ဇွန်လ ၆ ရက်နေ့က ခြံတွင် မိဘကို ဝိုင်းဝန်းကူညီပေး နေစဉ် ဇွန်လ ၆ ရက်နေ့က အမည်မသိလူတစ်ဦးက ဓားဖြင့် ခုတ်ခဲ့ကြောင်း သိရသည်။

ယင်းဖြစ်စဉ်နှင့် ပတ်သက်၍ အဆိုပါကျောင်းသူသည် တက္ကသိုလ်ဝင်တန်းစာမေးပွဲဖြေဆိုပြီးနောက် မော်လမြိုင်မြို့ရှိ ရာမညရဋ္ဌတက္ကသိုလ်ကျောင်းတွင် အင်္ဂလိပ်စာသင်ယူလေ့လာပြီး မိဘကို ကူညီရန်အတွက် ရွာသို့ ပြန်လည်ရောက်ရှိသည်မှာ (၅) ရက်သာ ရှိသေးကြောင်း သိရသည်။

“အဲဒီလူက တဲကိုလာပြီးတော့ ရေတစ်ခွက်တောင်းသောက်တယ်၊ အဲဒီအချိန်မှာပဲ သူ့ကို လိုက်ဆွဲတာ ထင်တယ်။ သူက ပြေးတော့ ဓားနဲ့ခုတ်လိုက်တယ်။ အဲဒီအချိန်မှာ သူထွက်ပြေးတော့ သူ့အဖေဆီမ ရောက်ခင်မှာပဲ သွေးထွက်များတော့ သတိမေ့သွားတယ်”ဟု နိုင်ဇာတိနိုင်က ပြောသည်။

အမေဖြစ်သူကလယ်တဲမှ ရွာသို့ ပြန်သွားစဉ် အဆိုပါ ကျောင်းသူတစ်ဦးတည်း ကျန်ရှိနေချိန်တွင် ယင်းသို့ ဖြစ်ပွား ခဲ့ခြင်းဖြစ်သည်။

“အဲဒီလူက ဘယ်သူလဲဆိုတာ သူ့ကိုမေးရင် နာမည်တော့ မသိဘူး။ လူကိုတွေ့ရင်တော့ မှတ်မိတယ် အဲဒီလိုပဲ ပြောပြနိုင်တယ်”ဟု မိသားစုဝင်တစ်ဦးက ပြောသည်။

လက်ရှိအခြေအနေအရအဆိုပါ ကျောင်းသူသည် မော်လမြိုင်မြို့ဆေးရုံကြီးတွင် ဆေးကုသခံယူနေလျက်ရှိပြီး ဆရာဝန်၏ ပြောပြချက်အရ ဦးခေါင်းခွံ ပေါက်ကွဲသွားကြောင်း မိသားစုဝင်က ပြောပြသည်။

အဆိုပါ ပြစ်မှုကျူးလွန်ထားသူကို ဖမ်းဆီးနိုင်ခြင်း မရှိသေးပေ။ ယင်းဖြစ်စဉ်နှင့် ပတ်သက်၍ ကျေးရွာအုပ်ချုပ် ရေးမှူးနှင့် မွန်ပြည်သစ်ပါတီထံ တိုင်ကြားထားကြောင်း သိရသည်။

အောင်မြတ်

Photo မိစန္ဒာနန်

Advertisements
<

Leave a Reply