23.6 C
Mawlamyine
Friday, October 30, 2020

ဘီလူးကျွန်းတွင် နှင်းဆီပါတီ ဆိုင်းဘုတ်များ ပြန်လည်ဖြုတ်သိမ်း

ချောင်းဆုံ အောက်တိုဘာ ၂၁ နှင်းဆီပါတီ ခေါ် ညီညွတ်သော ဒီမိုကရက်တစ်ပါတီ (UDP) အနေဖြင့် ဘီလူးကျွန်းဒေသ ချောင်းဆုံမြို့နယ်တွင် စိုက်ထူထားသော ဆိုင်းဘုတ်များကို ပြန်လည်ဖြုတ်သိမ်းနေပြီဖြစ်ကြောင်း ယင်းပါတီကိုယ်စားပြု ပြည်သူ့လွှတ်တော်ကိုယ်စားလှယ်လောင်းဖြစ်ခဲ့သူ ဦးအောင်သွင်က ဟင်္သာမီဒီယာကို အောက်တိုဘာ ၂၀ ရက်တွင် ပြောသည်။ "ကျေးရွာဆိုင်းဘုတ်က ၄၅ ခု ရှိပါတယ်"...

မော်လမြိုင်သို့ အခြားဒေသမှ ရောက်လာပြီး မဲပေးရန် ပုံစံ ၃(က) ဖြင့် လျှောက်ထားသူ...

Thursday, October 22, 2020 မွန်ပြည်နယ် မော်လမြိုင်မြို့နယ်သို့ အခြားဒေသမှ ရောက်ရှိလာပြီး ရက် ၉၀ ထက်မနည်း နေထိုင်ခဲ့သူများက လာမည့် ရွေးကောက်ပွဲအတွက် ဆန္ဒမဲ ပေးနိုင်ရန် ပုံစံ ၃(က)ဖြင့် လျှောက်ထားသူဦးရေ ၂၆၀၀ နီးပါး ရှိခဲ့ကြောင်း မြို့နယ်ရွေးကောက်ပွဲကော်မရှင်အဖွဲ့ခွဲရုံးထံမှ သိရသည်။ "ပုံစံ ၃(က)နဲ့...

UEC ထုတ်ပြန်ချက်အပေါ်  မွန်ညီညွတ်ရေးပါတီ၊ ရခိုင်အမျိုးသားပါတီတို့ အမြင်

“အစိုးရအနေနဲ့ ဒီထက်ပိုပြီး ကျယ်ပြန့်တဲ့ သဘောထားကြီးမှုတွေကို ထုတ်ဖော်ပြသဖို့ လိုပါလိမ့်မယ် ” ရိုးဂုဏ် ၂၀၂၀ ပြည့်နှစ် အထွေထွေရွေးကောက်ပွဲ ကျင်းပဖို့ ရက်ပေါင်း ၂၀ ဝန်းကျင်ပဲ လိုတော့တဲ့အချိန်မှာ ပြည်ထောင်စုရွေးကောက်ပွဲကော်မရှင် - UEC က ရွေးကောက်ပွဲ မကျင်းပတော့မယ့် နေရာဒေသတွေကို ကြေညာလိုက်ပါတယ်။ ဒီလိုကြေညာလိုက်တဲ့ အထဲမှာ...

ဘီလူးကျွန်းတွင် နှင်းဆီပါတီ ဆိုင်းဘုတ်များ ပြန်လည်ဖြုတ်သိမ်း

ချောင်းဆုံ အောက်တိုဘာ ၂၁ နှင်းဆီပါတီ ခေါ် ညီညွတ်သော ဒီမိုကရက်တစ်ပါတီ (UDP) အနေဖြင့် ဘီလူးကျွန်းဒေသ ချောင်းဆုံမြို့နယ်တွင် စိုက်ထူထားသော ဆိုင်းဘုတ်များကို ပြန်လည်ဖြုတ်သိမ်းနေပြီဖြစ်ကြောင်း ယင်းပါတီကိုယ်စားပြု ပြည်သူ့လွှတ်တော်ကိုယ်စားလှယ်လောင်းဖြစ်ခဲ့သူ ဦးအောင်သွင်က ဟင်္သာမီဒီယာကို အောက်တိုဘာ ၂၀ ရက်တွင် ပြောသည်။ "ကျေးရွာဆိုင်းဘုတ်က ၄၅ ခု ရှိပါတယ်"...

ရွေးကောက်ပွဲ မကျင်းပသည့်နယ်မြေ သတ်မှတ်ခြင်းကိစ္စ ထိုဒေသမှ မဲဆန္ဒရှင်များကို လစ်လျူရှုခြင်းဖြစ်ဟု မွန်ညီညွတ်ရေးပါတီ အမတ်လောင်း...

Tuesday, October 20, 2020 ရွေးကောက်ပွဲ မကျင်းပသည့်နယ်မြေ သတ်မှတ်ခြင်းကိစ္စ ၎င်းဒေသမှ မဲဆန္ဒရှင်များကို လစ်လျူရှုခြင်းဖြစ်ကြောင်း မွန်ညီညွတ်ရေးပါတီ အထွေထွေအတွင်းရေးမှူး - ၂ နိုင်လယိတမက ဝေဖန်သုံးသပ်သည်။ "အခု ကန့်သတ်လိုက်တဲ့ ဒေသတွေက မူလကတည်းက ရွေးကောက်ပွဲလုပ်မယ်လို့ ထုတ်ပြန်ထားပြီးသား ဖြစ်တယ်။ နိုင်ငံတကာရောက် မဲဆန္ဒရှင်တွေကလည်း အဲဒီဒေသတွေက...

နှင်းဆီပါတီက ကိုယ်စားလှယ်လောင်းများကို ၂၀၁၈ ကတည်းက ထောက်ပံ့ခဲ့

ရန်ကုန်၊ အောက်တိုဘာ ၁၅ နှင်းဆီပါတီ၏ လွှတ်တော်ကိုယ်စားလှယ်လောင်းများကို ပါတီဥက္ကဋ္ဌပိုင် မြန်မာကျော် ကုမ္ပဏီက ၂၀၁၈ ခုနှစ်ကတည်းက စတင်ထောက်ပံ့ခဲ့သည်ဖြစ်ပြီး ထောက်ပံ့ငွေပေါင်း ၁၂ ဘီလီယံကျော်ရှိသည်ဟု နိုင်ငံတော် သမ္မတရုံး ပြောရေးဆိုခွင့်ရှိသူ ဦးဇော်ဌေးက ပြောသည်။ “တိုင်းဒေသကြီး၊ ပြည်နယ်၊ ခရိုင်ပါတီဝင်တွေကို တစ်ဦးလျှင် အနည်းဆုံး နှစ်သိန်းကိုးသောင်းကနေ သုံးသိန်းကိုးသောင်းအထိ...

 “ကျွန်မတို့ရဲ့ ပန်းတိုင်က ရွေးကောက်ပွဲ မဟုတ်ဘူး”

မွန်ပြည်နယ် မဲဆန္ဒနယ် အမှတ်(၈) NLD ပါတီ ကိုယ်စားပြု အမျိုးသားလွှတ်တော်ကိုယ်စားလှယ်လောင်းဒေါ်မြတ်သီတာထွန်းနှင့် တွေ့ဆုံမေးမြန်းခြင်း မကြာမီ ကျင်းပတော့မယ့်  ၂၀၂၀ ရွေးကောက်ပွဲ မွန်ပြည်နယ် မဲဆန္ဒနယ်တွေမှာ နိုင်ငံရေးပါတီ ၁၇ ခုက ကိုယ်စားလှယ်လောင်း ၂၉၁ ဦးနဲ့ တသီးပုဂ္ဂလကိုယ်စားလှယ်လောင်း ၁၁ ဦး ဝင်ရောက်ယှဉ်ပြိုင်ကြမှာဖြစ်ပါတယ်။ အမျိုးသားဒီမိုကရေစီအဖွဲ့ချုပ်၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ ညီညွတ်သောဒီမိုကရက်တစ်ပါတီနဲ့ပြည်ထောင်စုကောင်းကျိုးဆောင်ပါတီတို့ဟာ ပြည်နယ်ရဲ့ မဲဆန္ဒနယ်အားလုံး ၄၅နေရာစလုံး ဝင်ရောက်ယှဉ်ပြိုင်ကြမှာပါ။ သံဖြူဇရပ်မြို့နယ် မဲဆန္ဒနယ်အတွက်  နိုင်ငံရေးပါတီပေါင်း ၁၂ ပါတီနဲ့ တိုင်းရင်းသားလူမျိုးမဲဆန္ဒနယ်အတွက် တသီးပုဂ္ဂလအပါအဝင် ကိုယ်စားလှယ်လောင်း ၄၄ ဦး ဝင်ရောက်ယှဉ်ပြိုင်ကြမှာဖြစ်ပါတယ်။ပြည်သူ့လွှတ်တော် တစ်နေရာ၊ အမျိုးသားလွှတ်တော်မဲဆန္ဒနယ် အမှတ်(၈) တစ်နေရာ၊ ပြည်နယ်လွှတ်တော် မဲဆန္ဒနယ် နှစ်နေရာ၊ စုစုပေါင်း လေးနေရာရရှိတဲ့ သံဖြူဇရပ်မြို့နယ်မှာ နိုင်ငံရေးပါတီ ငါးခုက နေရာပြည့် ယှဉ်ပြိုင်ကြမှာပါ။ မွန်ပြည်နယ် မဲဆန္ဒနယ် အမှတ်(၈) မှာ NLD ပါတီ ကိုယ်စားပြု အမျိုးသားလွှတ်တော်ကိုယ်စားလှယ်လောင်း ဒေါ်မြတ်သီတာထွန်းကို ဟင်္သာမီဒီယာက တွေ့ဆုံမေးမြန်းထားပါတယ်။  ဒေါ်မြတ်သီတာထွန်းဟာ ပြီးခဲ့တဲ့ ၂၀၁၅ အထွေထွေရွေးကောက်ပွဲတုန်းက မဲဆန္ဒနယ်အမှတ်(၅)ကနေ ရွေးချယ်တင်မြှောက်ခံရသူ အမျိုးသားလွှတ်တော်ကိုယ်စားလှယ်လည်း ဖြစ်ပါတယ်။ ဒါ့အပြင် ပြီးခဲ့တဲ့ လွှတ်တော်သက်တမ်းမှာ အမျိုးသားလွှတ်တော်၊ အစိုးရ၏ အာမခံချက်များ၊ ကတိများနှင့် တာဝန်ခံချက်များစိစစ်ရေး ကော်မတီဝင်အဖြစ် တာဝန်ထမ်းဆောင်ခဲ့သူလည်း ဖြစ်ပါတယ်။ ဟင်္သာမီဒီယာ - ပြီးခဲ့တဲ့ လွှတ်တော်သက်တမ်းမှာ မဲဆန္ဒရှင်တွေအတွက် ဆောင်ရွက်ပေးခဲ့တာတွေထဲက မှတ်မှတ်ရရ ရှိနေတာ ဘာတွေပါလဲ ဒေါ်မြတ်သီတာထွန်း - ကျွန်မတို့ မဲဆန္ဒရှင် ပြည်သူတွေအတွက် ဆောင်ရွက်ပေးခဲ့တဲ့ဟာတွေကတော့ အများကြီးပေါ့နော်။ ဒေသဖွံဖြိုးရေးတွေ ရှိမယ်။ ပြီးလို့ရှိရင် မဲဆန္ဒရှင်ပြည်သူတချို့ ခံစားနေရတဲ့ ဌာနဆိုင်ရာတွေနဲ့ပတ်သက်တဲ့ ပြဿနာတွေ ဖြေရှင်းပေးတာတွေရှိမယ်။ ပြီးတဲ့အခါ လွှတ်တော်မှာ ဆောင်ရွက်ချက်တွေ ရှိမယ်ပေါ့။ အဲဒီထဲကနေမှ မှတ်မှတ်ထင်ထင် ပြောရမယ်ဆိုရင်တော့ ဒေသဖွံ့ဖြိုးရေးတွေကတော့ ပြည်သူလူထုရဲ့ ရင်ထဲက အသိအမှတ်ပြုတဲ့ဟာကတော့ ပိုပြီးတော့ ကောင်းမှာပေါ့နော်။ ကျွန်မကနေ ကျွန်မ ဘာလုပ်ပေးတယ်ဆိုတာ ပြောတာထက်စာရင် ပြည်သူလူထုရဲ့ အသိအမှတ်ပြုမှုဟာ သူတို့ ရင်ထဲမှာ ရှိနေမှာပဲပေါ့။ ကျွန်မ ဒါ ယုံကြည်တယ်။ ပြီးခဲ့တဲ့အခါကျတော့ လွှတ်တော်မှာ လုပ်ဆောင်တာတွေကတော့ အများကြီး ရှိပါတယ်။ ဥပဒေတွေ ဆွေးနွေးတယ်။ လွှတ်တော်ရေးရာကော်မတီကိစ္စတွေနဲ့ပတ်သက်ပြီးတော့ ကွင်းဆင်းဆောင်ရွက်ရတာတွေ ရှိတယ်။ အဲဒီထဲကနေမှ ကျွန်မ ကျေနပ် အားအရဆုံးကို ပြောရမယ်ဆိုလို့ရှိရင်တော့ ကျွန်မတို့ သံဖြူဇရပ်မြို့နယ် မဲဆန္ဒရှင် ပြည်သူတွေတင် မကဘူး၊ တစ်နိုင်ငံလုံးက ပြည်သူတွေနဲ့ဆိုင်တဲ့ ကိစ္စ၊ ဖွဲ့စည်းပုံအခြေခံဥပဒေ ပြင်ဆင်ရေးကို ကျွန်မတို့ ပါဝင်ဆွေးနွေးခဲ့တယ်ပေါ့။ အဲဒီမှာ ကျွန်မတို့ရဲ့ ဒီမိုကရေစီစံနှုန်းတွေကို ယုတ်လျော့စေတဲ့ လွှတ်တော်ထဲမှာ တပ်မတော် ပါဝင်နေမှု ရာခိုင်နှုန်း လျှော့ချဖို့ကိစ္စတွေ ကျွန်မတို့ ဆွေးနွေးခဲ့တယ်ပေါ့နော်။ ဒါကတော့ ကျွန်မတို့ သံဖြူဇရပ်မြို့နယ်က ပြည်သူတွေအတွက်တင် မဟုတ်ဘူး။ တစ်နိုင်ငံလုံးနဲ့ဆိုင်တဲ့ ပြည်သူတွေအတွက်၊ ဒီမိုကရေစီအတွက်ကို ပြောခဲ့ရတာ၊ ဆွေးနွေးခဲ့ရတာတွေကတော့ အမှတ်တရပါပဲ။ ဟင်္သာမီဒီယာ - ပြီးခဲ့တဲ့ လွှတ်တော်သက်တမ်းမှာ မဲဆန္ဒရှင်တွေ ကိုယ့်ကို မဲပေးရွေးချယ်ခဲ့ရကျိုးနပ်တယ်လို့ ထင်မြင်ယူဆပါသလား ဒေါ်မြတ်သီတာထွန်း - အဲဒါလည်း ခုနက ပြောသလို ပြောရမယ်ဆိုရင် အဲဒီမေးခွန်းက ပြည်သူတွေကို မေးလိုက်တာ ပိုကောင်းမယ်ထင်တယ်။ မဲဆန္ဒရှင်ပြည်သူတွေက ကျွန်မတို့ကို ၂၀၁၅ ရွေးကောက်ပွဲမှာ မဲပေးခဲ့ရတာ ကျေနပ်တယ်ပေါ့နော်၊ မဲပေးရတာ တန်တယ်လို့ထင်သလားဆိုတာက အမှန်က ပြည်သူတွေကို မေးတာက ပိုကောင်းပါတယ်။ ဒါပေမဲ့ ကျွန်မတို့အနေနဲ့ ပြည်သူနဲ့  တစ်သားတည်း အမြဲ ရှိနေတဲ့ လွှတ်တော်ကိုယ်စားလှယ်တစ်ယောက်အနေနဲ့ ဖြေရမယ်ဆိုရင်တော့ ကျေနပ်မယ်လို့ ကျွန်မတို့ မျှော်လင့်ပါတယ်။ ဘာကြောင့်လဲဆိုတော့ ကျွန်မတို့က တာဝန်ထမ်းဆောင်နေတဲ့ကာလအတွင်းမှာ အဂတိလိုက်စားမှု လုံးဝမရှိဘူး။ ဒါ ကျွန်မတို့ ရဲရဲကြီး အာမခံရဲတယ်။ ၂၀၁၅ မှာ ပြည်သူတွေ ဝန်းရံထောက်ခံခဲ့တဲ့၊ ပေးခဲ့တဲ့ခွန်အားနဲ့ ကျွန်မတို့မှာ ရှိတဲ့ စာရိတ္တ၊ သတ္တိနဲ့ ပေါင်းပြီးတော့ ပြည်သူအတွက် စွမ်းစွမ်းတမံ၊ ကိုယ်စွမ်းဉာဏ်စွမ်းရှိသရွေ့ လုပ်ခဲ့ကြတာဖြစ်တဲ့အတွက်ကြောင့် ပြည်သူတွေကတော့ ကျွန်မတို့ကို မဲပေးရတာ ကျေနပ်မယ်လို့ မျှော်လင့်ပါတယ်ရှင့်။ ဟင်္သာမီဒီယာ - ခု လာမယ့်ရွေးကောက်ပွဲမှာ ပြိုင်ဘက် ပါတီတွေကို အနိုင်ရဖို့ ဘယ်လိုမျိုး ကြိုတင်ပြင်ဆင်ထားပါသလဲ ဒေါ်မြတ်သီတာထွန်း - ပြိုင်ဘက်ပါတီတွေကို အနိုင်ရဖို့ဆိုတာထက် ကျွန်မတို့ရဲ့ ပန်းတိုင်က ရွေးကောက်ပွဲမဟုတ်ဘူး။ဒီမိုကရေစီပန်းတိုင်က ကျွန်မတို့ရဲ့ ပန်းတိုင်ပေါ့နော်။ ရွေးကောက်ပွဲဆိုတာကတော့ ဒီမိုကရေစီပန်းတိုင်ကို သွားဖို့အတွက်ကို ဖြတ်သန်းရတဲ့ မှတ်တိုင်ပေါ့။ အဲဒီတော့ ကျွန်မတို့က ရွေးကောက်ပွဲကို နိုင်ဖို့ ပြင်ဆင်တယ်ဆိုတာထက် ကျွန်မတို့နိုင်ငံအတွက်၊ ပြည်သူတွေအတွက်ကို ပြည်သူ့အင်အား၊ သြဇာသက်ရောက်တဲ့စနစ်ကို သွားဖို့အတွက် ကြိုးစားတယ်လို့ ပြောရင် ပိုမှန်ပါလိမ့်မယ်။  ဒီမိုကရေစီပန်းတိုင်ကို သွားဖို့အတွက် ရွေးကောက်ပွဲမှတ်တိုင်ကို ဖြတ်သန်းဖို့ ဆိုတာက ရွေးကောက်ပွဲ ဒီနေ့ပြီးရင် နောက်နေ့ကစပြီး တစ်ခါ ပြန်ပြီးတော့ ကြိုးစားရတယ်။ အဲဒီကြိုးစားမှုထဲမှာ ပြည်သူလူထုအတွက် ဆောင်ရွက်ချက်မှန်သမျှဟာ အဲဒီလိုမျိုး ကြိုးစားမှုလို့လည်း ပြောလို့ရတယ်။ တကယ်တော့ ကျွန်မတို့က ရွေးကောက်ပွဲတွေမှာ ဝင်ပြိုင်ခဲ့တယ်ဆိုတာက ပြည်သူလူထုအတွက် ဆောင်ရွက်ပေးဖို့ ဝင်ပြိုင်တာ ဖြစ်ပါတယ်။ အဲဒီတော့ ကျွန်မတို့က တကူးတက တရည်တရွယ်နဲ့ ရွေးကောက်ပွဲနိုင်ဖို့ ပြင်ဆင်ခဲ့တာ မဟုတ်သော်ငြားလည်းပြည်သူလူထုအတွက် ဆောင်ရွက်ပေးသမျှဟာ ရွေးကောက်ပွဲအတွက် ပြင်ဆင်သလိုတော့ ဖြစ်လာခဲ့ပါတယ်။ ဒါက ကျွန်မတို့က ဒီတလောမှ ပြင်ဆင်တာမဟုတ်ပါဘူး။ ရွေးကောက်ပွဲ ပြီး  နောက်နေ့ ကျွန်မတို့ ကိုယ်စားလှယ်လောင်းတွေ တာဝန်ထမ်းဆောင်ရတဲ့ က စပြီးတော့ ပြည်သူလူထုအတွက်၊ နိုင်ငံအတွက် ကိုယ် လုပ်သင့်လုပ်ထိုက်တာတွေ၊ လုပ်နိုင်စွမ်းရှိတာတွေ အကုန် လုပ်ခဲ့တယ်။ ဒါဟာ ရွေးကောက်ပွဲအတွက် ပြင်ဆင်နေတယ်လို့ ပြောရင် ပြောလို့ ရနိုင်ပါတယ်။ ဟင်္သာမီဒီယာ - မဲဆန္ဒနယ်ထဲမှာ အကြိတ်အနယ် ယှဉ်ပြိုင်ရတဲ့ အနေအထားမျိုး ရှိလာနိုင်ပါသလား ဒေါ်မြတ်သီတာထွန်း - ပြိုင်ဘက်တွေကို ဘယ်တော့မှ လျှော့မတွက်ပါဘူး။ အမြဲတမ်း လေးစားပါတယ်။  သူ့အားသာချက်နဲ့သူ ရှိနေကြပါတယ်။ အဲဒီတော့ အကြိတ်အနယ်ဆိုရာမှာ တချို့နေရာတွေမှာ ကျွန်မတို့ အားသာတဲ့နေရာတွေ ရှိတယ်။ တချို့နေရာတွေက တချို့ပြိုင်ဘက်ပါတီတွေ အားသာတဲ့ နေရာတွေ ရှိတယ်။ ဒါကြောင့်မို့လို့ တစ်မြို့နယ်လုံးနဲ့ခြုံပြီးတော့ ပြောရမယ်ဆိုရင်တော့ အကြိတ်အနယ်လို့ ပြောလို့မရဘူးပေါ့နော်။ ဒါပေမဲ့ တချို့ ရွာကလေးတွေ၊ အုပ်စုလေးတွေမှာတော့ အကြိတ်အနယ် ပြိုင်ရမယ့်နေရာတွေ ရှိပါတယ်။ ဟင်္သာမီဒီယာ - NLD ဟာ ရေပန်းစား လူကြိုက်အများဆုံးပါတီဖြစ်နေပါတယ်။ မဲဆန္ဒရှင်တွေက ပါတီကို မဲပေးတာလား၊ လူကို မဲပေးတာလား၊ ဘယ်လို မြင်ပါသလဲ ဒေါ်မြတ်သီတာထွန်း - ၂၀၁၅ တုန်းက ကျွန်မတို့ဆိုတာက ဘာမှ  မဟုတ်ပါဘူး။ ၂၀၁၅ မှာ ရွေးကောက်ပွဲမှာ ကိုယ်စားလှယ်လောင်းအနေနဲ့ ပါတီက တာဝန်ပေးတယ်ဆိုပေမဲ့ ပြည်သူက ကျွန်မတို့ကို အများကြီး မသိပါဘူး။ ပြည်သူ သိတာသည် အမျိုးသားဒီမိုကရေစီအဖွဲ့ချုပ်နဲ့ လူထုခေါင်းဆောင် ဒေါ်အောင်ဆန်းစုကြည်၊ ကျွန်မတို့ရဲ့ ပါတီ ဥက္ကဋ္ဌ၊ ဒါကို ပြည်သူလူထုက အားပေးထောက်ခံခဲ့တာပါ။ ပြောရမယ်ဆိုလို့ရှိရင်တော့ ကျွန်မတို့က ပါမွှားလေးတွေပါ။ ဒါပေမဲ့ ၂၀၁၅ ကနေ ဒီနေ့ ဒီအချိန်အထိ ဆောင်ရွက်လာတဲ့အပေါ်မှာတော့ ပြည်သူလူထုက အမေစုကိုရော၊ ပါတီကိုရောအပြင် ဒေသခံ ပြည်သူတွေက ကျွန်မတို့ကိုလည်း အသိအမှတ်ပြုလာတာလေးတွေတော့ ရှိပါတယ်။ ဒါပေမဲ့ တကယ် နောက်ဆုံးအနှစ်ချုပ်အနေနဲ့  ပြောရမယ်ဆိုလို့ရှိရင်တော့ ကျွန်မတို့သည် ဒေါ်အောင်ဆန်းစုကြည်၊ အမျိုးသားဒီမိုကရေစီအဖွဲ့ချုပ်ရဲ့ မူဝါဒတွေ အရိပ်အောက်မှာပဲ သွားနေပါတယ်။ ပြည်သူလူထုကလည်း သူတို့နဲ့အတူတူ တသားတည်း နှစ်ပေါင်းများစွာ ရှိခဲ့တဲ့ ခေါင်းဆောင်နဲ့ ပါတီကိုပဲ ယုံကြည်ပြီးတော့ ကျွန်မတို့ကို  မဲပေးဖို့အတွက် ဆုံးဖြတ်မှာဖြစ်ပါတယ်။ ဟင်္သာမီဒီယာ - လာမယ့်ရွေးကောက်ပွဲမှာ မဲနိုင်ခဲ့ရင် မဲဆန္ဒနယ်မှာ ဘယ်ကဏ္ဍတွေကို ဦးစားပေး လုပ်ဆောင်သွားဖို့ ရှိပါသလဲ ဒေါ်မြတ်သီတာထွန်း - ကျွန်မတို့ အခု ဆောင်ရွက်နေတဲ့  ဒေသဖွံ့ဖြိုးရေးလုပ်ငန်းတွေ အရှိန်ရနေပြီ။ အဲဒီ အရှိန်တွေကို ထပ်ပြီးတော့ တင်ပြီးတော့ ကျေးလက်နဲ့ မြို့ပြ ကွာဟမှု မရှိအောင် ဖွံ့ဖြိုးရေးကိစ္စတွေအတွက်ကို ဆက်ပြီးတော့ ကျွန်မတို့ ဆောင်ရွက်သွားပါမယ်။ ပြီးတဲ့အခါကျရင်  စီးပွားရေးဟာ အရေးကြီးတယ်၊ ဒေသတွင်းစီးပွားရေး၊ ကျွန်မတို့မြို့နယ် သံဖြူဇရပ်မှာ စီးပွားရေးအခွင့်အလမ်းတွေ အများကြီး ရှိတယ်။ ခရီးသွားလုပ်ငန်းတွေ လုပ်လို့ရတယ်။ ရေလုပ်ငန်းတွေ ရှိတယ်။ ကျွန်မအနေနဲ့က ဒီ သံဖြူဇရပ်မြို့နယ်အတွင်းမှာရှိတဲ့ အသေးစား၊ အလတ်စားလုပ်ငန်းတွေကို ဖော်ထုတ်ဖို့၊ အသေးစား၊ အလတ်စားလုပ်ငန်းတွေ ဖွံဖြိုးတိုးတက်ဖို့အတွက်ကို အစွမ်းကုန် ကြိုးစားသွားမယ်။ ပြီးတော့ ဖွဲ့စည်းပုံအခြေခံဥပဒေ ပြင်ဆင်ရေးကိုလည်း ကျွန်မအနေနဲ့ လွှတ်တော်ထဲမှာ ပြည်ထောင်စုလွှတ်တော်ကိုယ်စားလှယ်တစ်ယောက်အနေနဲ့ ပါတီရဲ့ မူဝါဒတွေနဲ့အညီ အင်တိုက်အားတိုက် ဆောင်ရွက်သွားဖို့အတွက် မျှော်မှန်းထားပါတယ်။ နောက်ပြီးတော့ ကျွန်မဟာ အမျိုးသမီး တစ်ယောက် ဖြစ်တယ်။ အမျိုးသမီးတစ်ယောက်ဖြစ်တာနဲ့အညီ အမျိုးသမီးတွေရဲ့ အသံကို မေ့ထားလို့ မရဘူး။ အမျိုးသမီးတွေနဲ့ တစ်ဆက်တည်း ရှိနေတာက ကလေးသူငယ်တွေ၊ အဲဒီတော့ ဒီ အမျိုးသမီးတွေ၊ ကလေးသူငယ်တွေရဲ့ အခွင့်အရေးကိစ္စတွေ၊ နစ်နာချက်တွေ၊ ဒါတွေကိုလည်း လျော့နည်းသွားအောင် အမျိုးသမီးကိုယ်စားလှယ်တစ်ယောက်အနေနဲ့ အစွမ်းကုန် ဆောင်ရွက်သွားမှာ ဖြစ်ပါတယ်။ ခု လက်ရှိမှာလည်း ကျွန်မတို့ သံဖြူဇရပ်မြို့နယ်မှာဆိုရင် ကျွန်မတို့ အမျိုးသားဒီမိုကရေစီအဖွဲ့ချုပ်ရဲ့ လွှတ်တော်ကိုယ်စားလှယ်လောင်း လေးဦးမှာ နှစ်ဦးက အမျိုးသမီးဖြစ်ပါတယ်။ Gender Balance ဖြစ်ပါတယ်။ ကျွန်မက အဲဒီအစဥ်အလာကောင်းကို အများကြီး ဆက်ပြီးတော့လည်း ထိန်းသိမ်းသွားပါမယ်။၂၀၁၅ တုန်းကလည်း Gender Balance ဖြစ်ခဲ့ပါတယ်။ လက်ရှိ ပြည်နယ်လွှတ်တော်ဥက္ကဋ္ဌ ဖြစ်နေတဲ့ အန်တီ ဒေါ်တင်အိ၊ ကျွန်မ၊ အမျိုးသမီးနှစ်ယောက်။ အခုလည်း ကျွန်မတို့ ပြည်နယ် အမှတ် ၂ လွှတ်တော်ကိုယ်စားလှယ်လောင်း ဒေါ်တင်အေး၊ ကျွန်မ အမျိုးသားလွှတ်တော်ကိုယ်စားလှယ်၊ Gender Balance ဖြစ်တယ်။ အဲဒီ အစဉ်အလာကောင်းတွေကို ဆက်ပြီး ထိန်းသိမ်းသွားမယ်။ နောက်ထပ် နောက်ထပ် လာမယ့် မျိုးဆက်သစ်နိုင်ငံရေးသမားတွေ၊ ကိုယ်စားလှယ်လောင်းတွေထဲမှာ အမျိုးသမီးတွေ ပါလာအောင်လည်း ကြိုးစားသွားမှာ ဖြစ်ပါတယ်။ ဟင်္သာမီဒီယာ - တခြား ဖြည့်စွက်ပြောချင်တာများရှိရင် ...။ ဒေါ်မြတ်သီတာထွန်း - တခြားတော့ ထွေထွေထူးထူး ပြောစရာမရှိပါဘူး။ ကျွန်မတို့ရဲ့ သံဖြူဇရပ်မြို့နယ်က မဲဆန္ဒရှင်ပြည်သူတွေအနေနဲ့ ကျွန်မတို့ ငါးနှစ်အတွင်းမှာ ဘာတွေ ဆောင်ရွက်ခဲ့သလဲ၊ ဘယ်လို ရပ်တည်ခဲ့သလဲဆိုတာ မျက်မြင်ထင်ရှား သိရှိပြီးဖြစ်တဲ့အတွက်ကြောင့် ပြည်သူလူထုရဲ့ အရေးကိစ္စတွေမှာ ဆက်ပြီးတော့ ဆောင်ရွက်ခွင့် ရဖို့အတွက်ကို ပြည်သူလူထုဆီက ထောက်ခံမှုတွေ ကျွန်မတို့ လိုအပ်ပါတယ်။ ဒါကြောင့်မို့လို့ အမျိုးသားဒီမိုကရေစီအဖွဲ့ချုပ် ကိုယ်စားလှယ် လေးဦးစလုံးကို ထောက်ခံမဲတွေ ပေးပါလို့ ကျွန်မအနေနဲ့ မေတ္တာရပ်ခံချင်ပါတယ်။      ။ <><><>

Video News

Advertorial

သမီးလေးကို ပြန်လိုချင်တယ်

Jul 21, 2020 နန်းဆိုင်နွမ် ရေးသည်။ “ဖြစ်နိုင်ရင် အဲဒီနေ့ သမီးလေးကို ကျမ ဗိုက်ထဲ ပြန်ထည့်လိုက်ချင်တယ်” ဝမ်းနည်းစိတ်ကို ထိန်းချုပ်ရင် ငိုမဲ့သံနဲ့ သူမ ပြောပါတယ်။ သူမက ထိုင်းနိုင်ငံ...

International New

အင်ဒိုနီးရှားတွင် COVID-19 ကြောင့် တရက်အတွင်း လူ ၁၄ ဦးသေဆုံး

ဂျာကာတာ မတ်လ ၁၈ရက်နေ့တွင် အင်ဒိုနီးရှားနိုင်ငံအတွင်း   COVID-19 ကြောင့် သေဆုံးမှုအသစ် ၁၄ ခုထိ ဖြစ်ပွားခဲ့ပြီး သေဆုံးသူ စုစုပေါင်း ၁၉ ဦးထိရှိပြီဖြစ်သည်။ ၎င်းသည်နိုင်ငံ၏ တစ်နေ့တာအတွင်း သေဆုံးမှုအနက်အများဆုံးဖြစ်သည်။ COVID-19 ကူးစက်ရောဂါဆိုင်ရာ အစိုးရပြောရေးဆိုခွင့်ရှိသူ...

ထိုင်းနိုင်ငံ ဘန်ကောက်မြို့လယ်ကောင်၌ သေနတ်ဖြင့်ပစ်ရာ အမျိုးသမီးတစ်ဦးသေဆုံး

သေနတ်သမားနှင့် သေဆုံးသူအမျိုးသမီးသည် မကြာမီကမှ ကွာရှင်းခဲ့သည့် လင်မယားဟောင်းများဖြစ်ပြီး သဝန်တိုမှုနှင့်ဆိုင်သည်ဟု အာဏာပိုင်များက ပြောသည်။ ဘန်ကောက် - ထိုင်းနိုင်ငံ ဘန်ကောက်မြို့လယ်ခေါင်ရှိ ဈေးဝယ်စင်တာတစ်ခုတွင် ဖေဖော်ဝါရီလ ၁၈ ရက် နေ့လယ်ပိုင်းက ပစ်ခတ်မှုတစ်ခုဖြစ်ပွားခဲ့ပြီးနောက် အမျိုးသီးတစ်ဦးသေဆုံးကာ လူတစ်ဦးဒဏ်ရာရရှိခဲ့သည်ဟု ကယ်ဆယ်ရေးသမားများက ပြောသည်။ ပစ်ခတ်မှုဖြစ်စဉ်သည် Victory Monument အနီး...

ဘာလီမှ ရာနှင့်ချီသောဝက်များသေဆုံးမှုကို အင်ဒိုနီးရှား စုံစမ်းစစ်ဆေး

ဂျာကာတာ အင်ဒိုနီးရှားအာဏာပိုင်များ ဘာလီကျွန်းတွင် ၀က်ကောင်ရေ ၈၈၀ ခန့်သေဆုံးမှုနှင့် ပတ်သက်၍ စုံစမ်းစစ်ဆေးမှုများပြုလုပ်နေကြောင်း စိုက်ပျိုးရေး၀န်ကြီးဌာနမှ မွေးမြူရေးနှင့်ကုသရေးညွှန်ကြားရေးမှု ဖေဖော်ဝါရီ ၅ ရက်တွင်ပြောကြားခဲ့သည်။ ဝက်များသည် ဒီဇင်ဘာမှ ဇန်နဝါရီလအတွင်း သေဆုံးခဲ့ခြင်းဖြစ်သည်။ အာဖရိက​ဝက်အပြင်ဖျားရောဂါကြောင့် အင်ဒိုနီးရှားနိုင်ငံမြောက်ပိုင်း ဆူမားတြားပြည်နယ်တွင် ဝက်ကောင်ရေ ၄၃၀၀၀ ကျော်သေဆုံးခဲ့ပြီး ဘာလီက ဖြစ်ပွားမှုကို အတည်မပြုနိုင်သေးကြောင်းဆိုသည်။ “ ဝက်တွေ...

ဝူဟမ်ဗိုင်းရပ်စ်ကြောင့် ဟူဘေးဆေးရုံမှ ဆရာဝန်တစ်ဦး သေဆုံး

ဝူဟမ် တရုတ်နိုင်ငံ ဟူဘေးပြည်နယ်ဆေးရုံမှ ဆရာဝန်တစ်ဦး သည်ဗိုင်းရပ်စ်ကြောင့်သေဆုံးသွားခဲ့ကြောင်း China Global Television Network မှစနေနေ့ (ဇန်နဝါရီ ၂၅) တွင် တွစ်တာမှတဆင့်ဖော်ပြခဲ့ပါသည်။ ဝူဟမ်မြို့ ဟူဘေးရှင်ဟွား ဆေးရုံမှ အသက် ၆၂ နှစ်အရွယ်ရှိ ဆရာဝန် Liang Wudong သည် ဝူဟမ်ဗိုင်းရပ်စ်ကြောင့်သေဆုံးခဲ့သည်။ စနေနေ့တွင်တရုတ်အာဏာပိုင်များက  ရောဂါဖြစ်ပွားမှုပေါင်း...

ဝူဟမ်ဗိုင်းရပ်စ်ကူးစက်ခံရသူ ၃ ဦးရှိ​ပြီဖြစ်ကြောင်း စင်ကာပူအစိုးရအတည်ပြု

စင်ကာပူ စင်ကာပူရှိ နောက်ထပ်လူနှစ်ဦးသည် ဝူဟမ်ဗိုင်းရပ်စ်ပိုးကူးစက်ခံထားရသောရောဂါလက္ခဏာများတွေ့ရှိခဲ့ပြီးစုစုပေါင်းရောဂါကူးစက်ခံရသူ သုံးဦးအထိဖြစ်ပွားခဲ့သည်ဟု ကျန်းမာရေး ၀န်ကြီးဌာနကသောကြာနေ့ (ဇန်နဝါရီ ၂၄) တွင်ကြေငြာခဲ့သည်။ ပထမဆုံးတွေ့ရှိသူမှာ အသက် ၆၆ နှစ်အရွယ် ဝူဟမ်မှလာသူဖြစ်ပြီး  စင်ကာပူကို ဇန်နဝါရီ ၂၀ ရက်က ကွမ်ကျိုးမှတဆင့် စင်ကာပူကိုရောက်ရှိခဲ့ဖြစ်သည်ဟု ကျန်းမာရေး၀န်ကြီးဌာနက ကြာသပတေးနေ့တွင်ကြေငြာခဲ့သည်။ ဒုတိယကူးစက်ခံရသူမှာ အသက် (၃၇) နှစ်အရွယ်ရှိပြီး ပထမဆုံးရောဂါကူးစက်ခံရသူ၏သားဖြစ်ကြောင်း...
- Advertisement -

Channel H Application

In Channel H , you can watch a various number of categories including ~ Latest News ~ Latest Feature Videos ( News ) ~ Debates ~ Short Films ~ Cartoons ~ Food And Travel ~ Music ~ Funny